يا شوق أنا قلبي لهوف على الليالي المقبله ..
أخاف تطري لك ظروف وأخاف حبي تجهله
واخاف أنا عينك تشوف غيري وحسنك يذهله ..
واحد أنا ضمن الألوف منك الوداد أتأمله
الله أكبر يا الهنوف دمي لكم من حلله ..
أنكرت لي قلب شغوف وأصبح فؤادك يخذله
 
إن كان لك جدة صروف أنسى غرامي وأهمله ..
ما دام قلبك ما يروف ما في المحبه مشكله
خلك على قلبي عطوف منك الجفا ما أتحمله ..
في داخلي شوق وخوف طالع فؤادي واسأله
أرجوك يا عذب الوصوف قلب الغلا لا تميله ..
لا بد لحظاتك تطوف تنهي بحياتك مرحله