أنا ما عاد أبي قربك .. ما دام الغدر في دربك

تغدرني وعيني تشوف .. مو هذا جزاء المعروف

وصفتك باجمل إحساسي .. ولكن خنت يالقاسي

شعلت النار وسط الجوف .. مو هذا جزاء المعروف

نسيت أحلا ليالينا .. هدمت أحلام ما ضينا

تركت أحلى الزمان يطوف .. مو هذا جزاء المعروف

وأنا لو جيت أبتذكر .. أشوفك صرت تتنكر

وكني شخص مو معروف .. مو هذا جزاء المعروف

وانا من جد ما الومك .. بكيفك غير اسلومك

حقيقة مانت بي مكلوف .. مو هذا جزاء المعروف

طبيعة في الزمان اليوم .. أحد ظالم واحد مظلوم

وياما في الزمن بنشوف .. مو هذا جزاء المعروف