مريت عالدار دار الولف حييها

سلم عليها وسلم ع أهاليها

يا ناس ما كان حبي لأجل هاك الدار

لكن لأجل الحبيب اللي سكن فيها

وهالقلب ياما مشي ع دروبها مشوار

وياما قصايد هوى وحده يغنيها

لا كان يسمع جواب ولا سمع أخبار

وما كان غير الصدى ترجع نواحيها

ناديت يادار قولي بعدنا شو صار

قالت حبيبك عهود الحب ناسيها

وأهل الهوى تبدلوا طير المحبة طار

ولا عاد طابت له الدار وعلاليها

جافيت قالوا نسي حنيت قالوا داب

خبيت قالوا استحى حبيت قالوا جنون

واحتار أمري معك يا هاجر الأحباب

كيف شكل عمري معك بالحب رح بيكون

لا سألت عني ولا هالقلب عنك تاب

وتركتني بعد ما بحسنك صرت مفتون

وان كان يرضيك اتحمل لوم وعتاب

تكرم عيونك وع قلبي انت بتمون..ياحبيبي