ليلة عيد

ليلة عيد ، شمعة ، موسيقى ، كاس نبيذ

غنيّة حَزينة رح تخلَق فرح بنصّ الليل

والدني وحيدة، متلي أنا وحيدة

أنا والليل ، وكاس نبيذ ، شمعة ، موسيقى ، وليلة عيد

ليلة عيد ناطرة تتلج .. تصير الدني عَروس

والشجر يلبس أبيض .. تيفرَح بالعَروس

وانطُر بهالليل ، يجي نصّ الليل ، ابقى أنا وحيدة

والدني وحيدة ، متلي أنا وحيدة

انا والليل ، وكاس نبيذ ، شمعة ، موسيقى ، وليلة عيد

ليلة عيد .. انشالله تتلج الدني

لما شوف التَلج عم ينزل عَ مهل تيغمُر الدني

يمكن قول … التلج ما خلّى حَدا يجي بهاليل

ويحضَر هَون العيد … يمكن التلج تركني وحيدة

والدنيا وحيدة متلي انا وحيدة

انا والليل ، وكاس نبيذ ، شمعة ، موسيقى ، وليلة عيد