ليش يا ابني ليش طولت الغياب .. وخيط عمري قبل ترمو تقطعو
قلب امك ما بقا يحمل عذاب .. قلبي الحنون عليك حاجي تلوعه
صرت افة هم مني الهم شاب .. من الحزن ما عادوا عيوني يقشعوا
والصوره اللي وديتها بقلب الكتاب .. شح النظر بالكاد وجهك اقشعو
بيمرق صباح النور بعيوني ضباب .. البيت لولا الزنزلخت بضيعو
كل ما اندق الجرس عند الغياب .. بيلهب بصدري الشوق لمن بسمعو
وبقول وينو اللي كان زينة هالشباب .. عند الزوم بفرد ايدي بربعو
نهدات من قلبي اللي على الهجران داب .. كل ما مرق عصفور ببعثلك معو
يا رب مين ترسمل بعطفك وخاب .. قنديل هالبيت المعتم رجعو
اشتاقت عليه القنطره وحنوا العتاب .. والسنديانه غصونها عم يدمعو
التزكره الكان الكيف يحسبلا حساب .. من العطش كاساتها راح يفقعو
صارت ع اخر روح أوتار الرباب .. عجل ت شمك قبل ما يتقطعو
عجل قبل ما يسكر العمر الابواب .. والمسبحه حباتها يتوزعو
يا ابني انا مش ناطره منك جواب .. بدي الجواب تكون يبني موضعو .