لا تزيد الجرح ماقصر زماني

شايلٍ بالقلب أحزان السنين

لا تعيد الجرح مافيني كفاني

في الحشا لك جرح يالغالي دفين

مندفع لك جيت شوقي لك حداني

جيت أبي نظرات عطفك والحنين 

في زمانٍ فات يالغالي تراني

أخفي الدمعة ماودي تتبين

ياحياة الروح يوم الله بلاني

لا تصير اليوم مع وقتي معين

لا ضيع العمر بأحلام واماني

لا يضيع مجهود ليل العاشقين

السعاده منك عطنيها ثواني

لوعة الحرمان خلتني حزين