جفت دموع العين من كثر مبكيك .. والنوم عيني من فراقك جفاها

قاسي ظروفي ابعدتني وانا ابيك .. ارجي عسى الفرقا قصير مداها

ياصاحبي لا تختلف هقوتي فيك .. لا لا يغير بعدنا في صفاها

ياكود فرقا صاحب(ن) لك مصافيك .. من جربه ياناس يشكي عناها

كانك سعيد(ن) ياعشيري اهنيك .. جعل الليالي لك تجود بهناها

تستاهل التقدير بالروح أنا فديك .. تفداك روحي يا غلاي ومناها

يا قلبي سعدني وحقق امانيك .. واتحمل القسوه تقطف جناها

واسعد مع الي عن همومك يسليك .. وإنسى الهموم وما مضى من شقاها