توجوك الحسن ملفت ما اجملك … لو تسابق كان اعطوك الوسام

يا حبيبي يوم شفتك ملت لك … وغصب انا دشيت في سوق الغرام

اعطني وجه ترفق جيت لك … في عيوني شوق وعندي لك كلام

لو سمحت ارجوك وقف اسألك … ودي اعرف معك وضعي بالتمام

معشر العشاق كم واحد هلك … من جنون الحب وجنون الهيام

كل ساعة وكل يوم احن لك … واذكرك لا شفت اسراب الحمام

ما اتركك حتى ولو دار الفلك … يا أعز انسان تلويعي حرام

قل وش اللي عن لقانا اشغلك … هو زمانك او تخاف من الملام