إيش عاد لي من بعد ما راح الأمل .. إيش عاد لي من بعد بدري لي أفل

إيش عاد في دنياي

راحوا وأنا من بعدهم قلبي رحل .. ولعاد باقي صبر خلصت الوسل

لما اختلت دنياي

ماقسى فعالك يا هوى سويت فينا الجور .. إيش ينفع المقهور

ما قساك كم شاب صبته بالشلل .. يمسي يكالف ليل ساعته ملل

ويون مثل الناي

والنار في جوفه لها موقد شعل .. يا حرقة المسكين مبلي به علل

ظنوه ربعه خان

وان قام بين الناس با يمشي كما المسحور .. .. إيش ينفع المقهور

وحدك أنيس العمر ما بك حد بدل .. تعال صافينا وترك ذا الخجل

لي هو سبب بلواي

ما كذا يطيب الأنس ما كذا يكتمل .. سعدي وهب للقلب شربة من عسل

فيها الهناء ودواي

ما رضا بغيرك لي محب حتى بنات الحور .. إيش ينفع المقهور

قل لي متى بالقاك يا حلو القبل .. قلبي على الهجران منك ما احتمل

ياغايتي ومناي

شفنا هجرت النوم من طول المهل .. ودمع عيني سال على الخدين هل

وتجرحت خداي

والشوق مثل النار يولي لي كما التنور .. إيش ينفع المقهور