الليل شاب وبين الصبح نوره .. وأنا عيوني ساهره عافت النوم

أبكي وليف(ن) شط عنه بدوره .. غاب وتركني بين لوعات وهموم

سهر عيوني وراح يبني سروره .. يضحك لا شافن حزين(ن) ومضيوم

خلي تكبر والسبايب غروره .. أنا أشهد إنه ميت الحس معدوم

باهي عنيد الراي في بعض أموره .. وبحاجبه موت المحبين مرسوم

حطم فؤادي مادرى عن شعوره .. وضح العزى عنده مراسيم وهدوم

لا جيت أحدد موعد(ن) لجل أزوره .. ثار وزعل والعذر به غير ملزوم

غلطان يالي صرت خلي تزوره .. غلطان لا تحكم بشي(ن) جرى اليوم

الحب بالتقدير تنمى زهوره .. يرضى ولا يسمع به العذل واللوم