قالوا علامك يالجنوبي توسوس .. حالك نحيل وكثرة الشعر زاده
اذا تطيع الشور عزم واعرس .. قلت اتركوني مالي بالعرس اراده
انا بغناة الله ولاني بمفلس .. لاشك كل واحد يدور مراده
اذا بغيتوا لي المعزه مع الانس ..وتبغوني اعيش عيشة سعاده
جيبوالي اللي في عذابي تجنس ..اللي شواني مثل شوي الجراده
ابوجديل يرفعه يوم يجلس ..ولاجاء ينام يصفطه له وساده
والعين لاسلهم بها قلت ينعس ..عنده على زين المعاني شهاده
بعطي هلة عشرة ومعاضد ونقلس..وحاضر اذا يبغون مني زياده
لكن هلة وياي شينين الانفس ..ماخذين للأعذار والكذب عاده
لاجيت اكلمهم يقولون لي ادرس ..وان طاولت الاعذار مافيه افاده