روحي تحبك غصب عني تحبك
والمشكله حبك بروحي جرحني
و إذا شكيت تقول وش كان ذنبك
ذنبي هويتك يوم حبك ذبحني

ونّيت من قلبي تلوعت عقبك
سلبت لي قلبي وجرحك سرقني
أقول قلبي تقول وش عاد قلبك
وإن جيت أبخفي الحب جرحك فضحني

روحي تحبك غصب عني تحبك
والمشكله حبك بروحي جرحني
وإذا شكيت تقول إش كان ذنبك
ذنبي هويتك يوم حبك ذبحني

أجيك أنا عاني أدور لقربك
تبعد كأن القلب ما قد عرفني!
وإن رحت عنك تموج والريح دربك
وتقول شفت اليوم قلبك تركني

روحي تحبك غصب عني تحبك
والمشكله حبك بروحي جرحني
و إذا شكيت تقول إش كان ذنبك
ذنبي هويتك يوم حبك ذبحني

يا قوّتك ترضى أجاريك لعبك
ترضى أهدّ الحب لو كنت تبني
إن كنت تهواني فأنا اليوم جنبك
سلمت لك أمري وحبك سكني