افهمك لو ما تكلمت افهمك ،،
مافي قلبك في عيونك ينرسم
ما تزيل الشك ضحكة مبسمك ،،
يفضحك وجدان واشجان وندم
افهمك لو ما تكلمت افهمك
انت في قلبي حبيبي ماعظمك ،،
انت في عقلي وروحي والنسم
ارسمك من دون مادري ارسمك ،،
ارسمك لو ما تعلمت الرسم
افهمك لو ما تكلمت افهمك
انظرك واتخيلك واستلهمك ،،
واسمعك في كل معزوفه نغم
ان نويت النوم بحلمي احلمك ،،
وان صحيت لقاك همي والألم
افهمك لو ما تكلمت افهمك
لاتصدق من يقول ويوهمك ،،
فرق مابين الحقيقه والوهم
انت عندي غير ربي يسلمك ،،
عن جميع الناس عندي والنعم
افهمك لو ما تكلمت افهمك